.... eða mér finnst það alla vegana

Grrrr

2009-10-20T21:39:00.003+02:00

Ég þoli ekki kaffihús sem dettur í hug að bera fram grjóthart-beint-úr-ísskápnum smjör með brauðinu sínu.

Honestly!

Allt sem er rautt rautt....

2009-10-19T18:51:00.002+02:00

... finnst mér vera fallegt. Sérstaklega nýi Kitchen Aid blandarinn minn. Hann er fabulous. Ég er spenntari yfir honum en nokkur kona ætti nokkurn tíma að vera yfir eldhúsáhaldi!

Ármúli

2009-10-19T15:18:00.002+02:00

Sjitt hvað Ármúlinn er by far ömurlegasta gata á Íslandi. Mæli ekki með það fyrir neinn að labba hann með barnavagn. Bjakk

Hamingja

2009-10-16T16:41:00.003+02:00

Ef það skyldu vera einhverjir sem ennþá nenna að kíkja hérna inn þá er hérna ein mynd af okkur nýgiftu hjónunum. Dagurinn var F U L L K O M I N N í alla staði. Bestu þakkir til allra sem nutu hans með okkur og/eða sendu okkur fallegar kveðjur. Fleiri myndir á fésbókinni!

cinderella syndrome

2009-07-06T02:32:00.001+02:00

Ég gæti þurft að höggva af mér hæl eða tá til að passa "comfortably" í brúðarskóna. En það verður þess virði því þeir eru svo "fabjúloss".

To be or not to be a plebbi

2009-06-22T23:31:00.002+02:00

Kannski plebbalegt en mér finnst nýja auglýsingin frá Vodafone (Risafrelsi) agalega skemmtileg. Mig langar að vera svona 50 foot woman og horfa niður á (sumt) fólk....

Kaloríublús

2009-06-21T23:54:00.002+02:00

Mér finnst að einn dag í viku ættu kaloríur ekki að telja. Svona borga-fyrir-6-en-fá-7-kind-of-díll.

Vá hvað það væri fokking brilljant ....

tíundi tíundi núll níu

2009-06-14T02:36:00.002+02:00

Skal það vera. Takið því daginn frá.

Kjólaleitin er (ó)formlega hafin - enda let's face it - aðalmálið :)

Stórfréttir

2009-05-25T22:32:00.002+02:00

Haldiði ekki að ég hafi bara fengið bónorð um helgina. Nánar tiltekið á laugardaginn (23.maí). Yndislega óvænt og rómantískt í bland við fuglagarg og geislandi sól í óviðjafnanlegri íslenskri náttúru í Flateynni fallegu

Tapaði kúlinu gjörsamlega og skældi eins og smástelpa .... :)

Dagurinn stóri hefur ekki verið ákveðinn en stefnt að haustinu.

I'm baaaaaaaack

2009-05-19T01:21:00.003+02:00

Ég tók eftir því þegar ég opnaði bloggið að ég er samtals búin að "pósta" sléttar 500 færslur á þetta blogg. Svo flott tala að ég íhugaði alvarlega að bæta ekki í safnið og kalla þetta bara gott. En ákvað svo að 501 væri líka flott tala. Hver man ekki eftir Levi's 501? Mar var þokkalega ekki kona með konum nema að kona ætti sollis hérna í den.

Ragnheiður Gróa

2009-03-08T23:33:00.004+01:00

Voðalega líður tíminn eitthvað hratt. 5 vikur síðan ég skrifaði hérna inn, svei mér þá. Sem þýðir auðvitað að litla stelpan mín er orðin rúmlega 5 vikna. Nú verð ég að hætt að kalla hana litluna, hún er víst komin með nafn þessi elska. Rammíslenskt og auðvitað að mínu mati mjög fallegt, Ragnheiður Gróa í höfuðið á tveimur merkum konum. Langömmu minni henni Ragnheiði Böðvarsdóttur frá Laugarvatni og tengdamóður minni, Halldóru Gróu Guðmundsdóttur sem alltaf er kölluð þessu miðjunafni sínu.

Loksins er hún komin

2009-02-03T21:39:00.002+01:00

.... lillan okkar. Lífið er dásamlegt og hún er auðvitað sætust í heimi!

Hún er svo komin með sína eigin síðu www.nino.is/laxakvisl - tjékkið á því!

Þegar ég sé annan....

2009-01-27T10:15:00.005+01:00

..... þá kemur hinn ósjálfrátt upp í hugann. (veit samt ekki hvort Steingrímur J. er með FIMM háskólagráður).

Ég gæti sagt svo margt

2009-01-26T18:03:00.001+01:00

... ég ætla samt að sleppa því. En þvílíkur dagur! ÚFF

Dexter - nýi uppáhalds

2009-01-25T16:10:00.003+01:00

Ég skildi aldrei hvernig Elli nennti að horfa á þennan þátt í fyrra. En nú verð ég að viðurkenna að ég er gjörsamlega dottin inn í seríu 2 (eða ég held þetta sé nr. 2). Algjör snilldarþáttur og svo er Michael C. Hall bara frekar hot sko ....

Bókaklúbburinn

2009-01-22T23:11:00.003+01:00

Ég er í bókaklúbbi í vinnunni. Sem er gaman. Við erum reyndar bara nýbyrjuð (erum á bók #2) en þetta byrjaði amk vel. Erum núna að lesa bókina The 7 habits of highly effective people eftir Stephen Covey. Hún er fín, soldið amerísk, en það er margt gott og vitrænt í henni. Til dæmis þessi setning hérna:

"You can't talk your way out of something you behaved yourself into"

Ég held að það sé ekki hægt að vera ósammála þessu. Mér finnst þetta amk mjög satt.

Bumba og bleikt barnaherbergi

2009-01-16T00:22:00.009+01:00

Tvær bumbumyndir, 37vikur og 5 dagar - það styttist!!

Æi mar er nú aðeins farin að láta á sjá enda þreytan farin að segja til sín.

Svo er barnaherbergið tilbúið. Agalega bleikt og fínt. Já það er víst eins gott að þetta sé stelpa :)

Umræður hádegisins

2009-01-13T21:16:00.003+01:00

Það spannst umræða um "ljótt" fólk í hádeginu í dag. Ljótt í skilningnum ófrítt. Tekist var á um það hvort lífið væri auðveldara þeim sem eru andlitsfríðir (óháð öðrum mannkostum). Það var skoðun flestra að sennilega væri lífið auðveldara ef maður er sætari en ekki.

Fékk svo þessa mynd í t-pósti í dag - með yfirskriftinni "hann var amk heppinn með veðrið"

p.s. Egill Orri stóð við hliðina á mér þegar ég skrifaði þessa færslu og sá myndina og varð að orði "OJ! mamma þú ert miklu sætari en hún" :)

Óléttukvabb

2009-01-11T12:02:00.002+01:00

Æi hvað það er óþolandi að vakna með rassinn á manni er ennþá sofandi.

37 vikur í dag - and counting!!

37 ár

2009-01-09T18:25:00.001+01:00

Foreldrar mínir elskulegir eiga 37 ára brúðkaupsafmæli í dag. Það er nokkuð vel af sér vikið hjá fólki sem er ekki nema 55 og 56 ára gamalt þykir mér :)

Innilegar hamingjuóskir mamma og pabbi. Þið eruð og hafið alltaf verið mínar helstu fyrirmyndir í lífinu.

Happy New Year my friends

2009-01-06T18:40:00.003+01:00

Ég er ekki viss um að ég muni blogga mikið á mánuðum komandi. Amk ekki á þessum vettvangi. Ég er komin með hálfgert ofnæmi fyrir bloggum og þeirri ótrúlega ómálefnanlegu og lágkúrulegu umræðu sem virðist þrífast á mörgum þeirra (tek það fram að persónuleg vinablogg eru undanþegin þessari skoðun :) Ég er meira að meina þessi fréttatengdu blogg og komment sem þeim fylgja.

En nú styttist í komu bumbubúans og ég mun jafnvel reyna að tileinka henni bara bloggið og lofa að vera dugleg að setja inn myndir fyrir vini & ættingja í "úglöndum".

Hafið það annars sem best á árinu 2009 - fyrir mitt leyti hef ég ákveðið að þetta verði gott og lærdómsríkt ár. Það er allt undir manni sjálfum komið hvernig manni líður. Svo ég quoti Mayu Angelou:

"If you don't like something, change it. If you can't change it, change your attitude. Don't complain."

ta ta Sigrún

Að setja hlutina í samhengi

2008-12-19T11:01:00.002+01:00

Æi já aumingja við Íslendingar sem eigum svo bágt. Hvað með þetta skelfilega menntakerfi, heilbrigðiskerfi & stríðsleysi sem við þurfum að búa við.

Smá reality check ..... veruleiki milljóna manna um allan heim.

Ljóð sem tala til manns

2008-12-17T13:31:00.003+01:00

Ég birti fyrir nokkrum vikum ljóð eftir Kristján frá Djúpalæk sem snerti einhverja strengi þegar ég las það á málverki fyrir um ári síðan. Það heitir Gleðidansinn. Ég ætla ekki þykjast hafa lesið eitthvað mikið eftir Kristján í gegnum tíðina en það vill svo til að í morgun var smá svona aðventuhugvekja hérna í vinnunni þar sem lesið var þetta ljóð. Það vill svo til að það er líka eftir Kristján. Það snerti ekki síður strengi og því ákvað ég að skella því hérna inn. Mér finnst þetta mikil viska og heillvænleg til að hafa að leiðarljósi.

Mitt faðirvor

Ef öndvert allt þér gengur

og undan halla fer

skal sókn í huga hafin

og hún mun bjarga þér.

Við getum eigin ævi

í óska farveg leitt

og vaxið hverjum vanda,

sé vilja beitt.

Hvar einn leit naktar auðnir,

sér annar blómaskrúð.

Það verður, sem þú væntir,

það vex, sem að er hlúð.

Því rækta rósir vona

í reit þíns hjarta skalt,

og búast við því besta

þó blási kalt.

Þó örlög öllum væru

á ókunn bókfell skráð,

það næst úr nornaböndum

ef nógu heitt er þráð.

Þrjú orð að endurtaka,

ég er við hvert mitt spor:

fegurð, gleði, friður-

mitt faðirvor.

Kristján frá Djúpalæk

Jólalistinn

2008-12-14T23:57:00.002+01:00

Jólagjafir .... keyptar en ekki innpakkaðar
Jólakortin ... skrifuð og send
Jólatréð .... keypt og skreytt
Jólasmákökurnar .... bakaðar
Jólaísinn .... tilbúinn og kominn í frystinn
Jólamatarinnkaupin .... búin (að því marki sem það er hægt með svona löngum fyrirvara)

Núna er bara hægt að slaka sér og leyfa sér að hlakka til :) Dásamlegt!

Góð grein

2008-11-25T11:10:00.001+01:00

Veit ekki hvað þessi kona heitir en hef stundum lesið greinarnar hennar á vísi.is

http://www.visir.is/article/20081125/SKODANIR/131684210/-1

Enn af bankaleynd og öðrum óþarfa

2008-11-24T14:46:00.003+01:00

já hún er nú meira pjattið þessi bankaleynd. Ég veit ekki hvort ég á að hlægja, gráta eða fyllast ofsahræðslu þegar ráðherra dómsmála er farin að tala um bankaleynd eins og það sé eðlilegasti hlutur í heimi að hún víki. Að hún sé jafnvel bara barn síns tíma. (sjá blogg Björns í gær).

Að ætla að afnema bankaleynd að hluta er eiginlega eins og að vera "pínulítið óléttur" þ.e. ekki hægt. Það hlýtur eitt að þurfa yfir alla að ganga og þá væri fínt að allir byrjuðu bara að opinbera sín persónulegu fjármál núna strax. Hvað þeir skulda í húsunum sínum, á hvaða kjörum etc. Svo ætti líka að opna bókhald stjórnmálaflokkanna og ráðamenn eiga vitaskuld fyrstir allra að gera hreint fyrir sínum dyrum í þessum efnum. Þetta myndi líka algjörlega útrýma vandamálinu við fleytingu krónunnar. Ef menn halda að hún muni veikjast við það þá verður það hjóm við hliðina á því sem mun gerast ef fólk hefur alvöru ástæðu til að ætla að bankaleynd haldi ekki á Íslandi. Spennið beltin börnin mín, þá fyrst getum við farið að tala um fjármagnsflótta.

En við skulum ekki þar við sitja. Við skulum líka sammælast um að það megi henda fólki í fangelsi fyrir að grunur leiki á um að þeir hafi brotið af sér. Jafnvel helst líka þrátt fyrir að þeir hafi í raun ekkert gert það, það ætti að duga að okkur finnist bara að þeir eigi það skilið. Það er svo miklu hreinlegra og auðveldara og svo eru allir embættismenn landsins svo bullandi vanhæfir hvort sem er að þeim er ekki treystandi fyrir því að rannsaka neitt.

Að lokum eigum við svo að opinbera læknaskýrslur fólks líka. Ekki viljum við að veikt fólk og fólk sem er jafnvel með ættgenga sjúkdóma geti verið að vinna og það jafnvel við hliðina á okkur. Ímyndið ykkur hvað þetta myndi spara okkur í útgjöldum vegna t.d. veikindadaga og annars slíks óþarfa.

Já þegar allt þetta er gert þá verður þetta nú samfélag sem er þess virði að lifa í.

p.s. vil samt taka fram að mér finnst ekki að neitt af þessu eigi að taka til mín enda mín réttindi öll varin af persónuverndarlögum og öðrum slíkum lögvörðum réttindum. Nei þetta á bara við um það fólk sem ég hef ímugust á og eða er mér ekki þóknanlegt.

Segir það sem ég vildi sagt hafa

2008-11-24T14:44:00.002+01:00

Þessi grein lýsir mjög vel og betur en ég get, þeirri arfavitleysu sem er /var frumvarp Vinstri Grænna um að lögbinda vexti verðtryggðra lána í 2%.

http://www.deiglan.com/index.php?itemid=12314

Er ekki bara best að vera bjartsýn?

2008-11-20T23:24:00.002+01:00

Er svartsýnin sem hefur hrjáð mig í dag ekki bara mannskemmandi? Ég held það, maður getur víst lítið gert til að breyta því sem orðið er. Er bara eins og farþegi í stjórnlausri lest og verður bara að vona að lestarstjóranum ratist á að gera það sem rétt er. Með vilja góðra manna er leið út úr öllum vanda.

Svo er líka föstudagur á morgun OG ég í fríi. Er það ekki dásamlegt?

Meira af vinstri grænum

2008-11-19T13:30:00.002+01:00

Sá sem er að ráðleggja VG í fjármálum vinsamlegast gefi sig fram og taki við heiðrinum. Þvílík snilldartillaga sem fram kom hjá þeim í gær. Hámörkum vexti á verðtryggð lán í 2%. SNILLD. Því það munu allir vilja lána á slíkum kjörum, sérstaklega til Íslands og Íslendinga. Ég sé alveg lífeyrissjóðina rífast um plássin í röðinni til að veita fé sínu í þetta.

Svo finnst mér að næsta þingsályktunartillaga eigi að vera þess efnis að banna skammdegi á Íslandi í desember. Dæmin sanna að skammdegið dregur fólk niður og því líður yfirleitt illa af því svo að mér finnst að Alþingi eigi að álykta gegn því og banna í framhaldinu.

"Lengi getur vont versnað"

2008-11-17T10:39:00.004+01:00

Yfirskriftin er tilvísun í yfirlýsingu Steingríms J. eftir að lýst var yfir að deilan vegna Ice-Save væri að leysast eða leyst.

Finnst mér súrt sem skattgreiðandi í þessu landi að sitja uppi með þessa reikninga? Játs, þokkalega en ég met æru mína meira en peninga og mér hefði fundist súrt að keyra áfram með "við borgum ekki, við borgum ekki" afstöðuna. Við erum ekki að borga þetta allt, við erum að ábyrgjast það sem þessi blessuðu lög um EES segja til um. Það er meira að segja líklegt að eignir sem seldar verða fari langleiðina með að borga þetta. Eða héldum við að við mættum eiga þær og samt ekki borga? Við höfum notið mikils góðs af þessum [EES] samningi líka og það er erfitt fyrir mig að sjá að við getum bara "cherry pickað" það góða og látið það slæma eiga sig. Sjálfsagt finnst einhverjum það réttlætanlegt og gott og vel, þeim má finnast það. Mér líður amk aðeins betur í "þjóðarstoltinu" að geta sagt að við munum ábyrgjast þetta lágmark. Það er ekki við breska sparifjáreigendur að sakast í þessu máli.

Hitt er svo annað mál að við eigum að fara í FEITT mál við Bretana í framhaldinu fyrir beitingu hryðjuverkalaganna og láta þá á endanum borga fyrir þetta sjálfa. Við höfum, að mér vitandi, ekkert afsalað okkur þeim rétti.

En mikið óskaplega væri nú gott að heyra Steingrím Jóhann Sigfússon stíga fram og lýsa í smáatriðum öllum sínum lausnum - hann hlýtur að luma á þeim ófáum fyrst að allt sem ríkisstjórnin hefur so far gert er ómögulegt í alla staði. (ég er svosem ekki að verja hana sérstaklega, finnst bara að fólk eigi að benda á lausnir en ekki bara að fá að röfla út í eitt)

Ég bara minnist þess ekki að hafa heyrt hann koma með nein svör eða lausnir. Skal fúslega éta það ofan í mig ef einhver getur bent mér á annað.

Ein ég sit og sauma...

2008-11-13T22:55:00.003+01:00

Haldiði ekki að kellingin sé dottin í útsaum? Fann í leit (að einhverju allt öðru) krosssaumsmynd sem ég hef af miklum metnaði og meiri eldmóði en mér entist nenna til byrjað á áður en Egill Orri fæddist. Þetta er svona mynd þar sem maður á að sauma í nafnið á barninu, fæðingardag, þyngd og stað. Flestir hefðu látið sér nægja klukkustreng eða eitthvað hóflegt. En neeeeei ekki hún ég. Mér dugði ekkert minna en risastór mynd með 12 böngsum sem allir eru ýmist að spila á hljóðfæri, klifra í stiga, hengja upp þvott eða halda á blöðrum eða eitthvað álíka.

Hélt ég actually að ég myndi klára þetta? Eigum við að ræða það eitthvað hvað maður þekkir sjálfan sig stundum lítið?

Elli hló amk að mér þegar ég sór þess eið að klára þetta nú áður en daman kemur í heiminn. Yea right....

Bjartsýnisljóð

2008-11-11T20:39:00.003+01:00

Þetta ljóð er skrifað á málverk sem ég keypti fyrir réttu ári síðan á listaverkauppboði á Egilsstöðum. Það heillaði mig þá og gerir enn. Er auk þess kjörin boðskapur í þessu þunglyndi sem herjar á þjóðina.

Dans gleðinnar

Það er svo margt að una við

að elska, þrá og gleðjast við

jafnt orð sem þögn og lit sem lag

jafnt langa nótt og bjartan dag.

Mér fátt er kærra öðru eitt

ég elska lífið djúpt og heitt

því allt sem maður óskar næst

og allir draumar geta ræst.

Ég byggi hlátraheima í húmi langrar nætur

af svefni upp í söngvahug með sól ég rís á fætur

og augun geisla af gleði sem grær í mínu hjarta

en syrti að ég syng mig inn í sólskinsveröld bjarta

~Kristján frá Djúpalæk

Sarah Palin

2008-11-05T01:20:00.002+01:00

Sweet Jesus - hún er rosaleg. Ég hef ekki getað haldið út að horfa á allt Katie Couric viðtalið en er að því núna. Þvílík endemis froða og innihaldslaust bull hef ég aldrei heyrt... (eða ok amk ekki síðan íslenskur þingmaður - hvaða þingmaður sem er - opnaði síðast munninn um efnahagsástandið hérna heima).

Youtube-aði hana smá og hérna eru nokkrir molar ýmist sagðir af henni eða um hana...

Sarah Palin on foreign policy experience

Sarah Palin on supreme court decisions she disagrees with

Best of Sarah Palin

og svona aðeins til samanburðar Miss Teen USA "answers" a question

Uncanny resemblance, það skelfilegasta er náttúrulega að önnur er SERIOUSLY varaforsetaefni Bandaríkjanna. Are you freaking kidding me?

Rétti upp hönd ...

2008-11-04T10:37:00.002+01:00

... sem finnst alveg kjörið að þingmenn og lýðræðislega kjörnir fulltrúar í þessu landi eigi að ganga á undan með góðu fordæmi og lækka við sig launin líkt og fjölmargir aðrir eru að neyðast til að gera í dag.

Skv. ákvörðun frá 1.maí 2008 er þingfararkaup (laun "óbreytts" þingmanns sem ekki er formaður þingflokks, forseti Alþingis eða varaforseti, formaður nefndar eða stjórnmálaflokks) 562.020 kr. pr. mánuð. Eigi eitthvað af fyrrtöldu við þá fæst 15% álag Flestir ef ekki allir þingmenn hafa undanfarið farið mikinn í umræðunni um mikilvægi þess að við tökum öll höndum saman við að leysa vandann. Mér fyndist bara alveg kjörið að þeir byrjuðu á því að taka á sig ca. 10 - 15% launalækkun.

Stærðfræði fyrir byrjendur

2008-11-03T09:54:00.002+01:00

Ef maður getur fengið flugmiða til t.d. London með Icelandair á 15.500 aðra leið með sköttum (gef mér að það sé þá ca. 31þús fram/tilbaka) hvernig getur þá staðist að vildarmiði (ss. greiddur alfarið með punktum) kosti mig 25þús á mann bara í skatta!!! OG að það sé ekki lífsins mögulegt að fá sundurliðun á þessum sköttum og gjöldum. Þetta pirrar mig.

Gleðifréttir dagsins eru hins vegar þær að við Elli fengum bæði endurgreiðslu frá skattinum - svo ég kvóti nú eilífðarbiblíuna (Friends) - "that's like finding free money with naked people on it"

í ökkla eða eyra

2008-11-02T23:06:00.001+01:00

Eftir að hafa verið kalt um það bil síðustu 7 árin þá er mér núna svo heitt að það jaðrar við hið fáránlega. Litla baunin er greinilega á við góðan ofn ...

Opnunartímar

2008-10-30T13:46:00.002+01:00

Þegar ég var 11 ára gömul byrjaði ég að vinna í stórmarkaði. Það er í sjálfu sér ekki í frásögur færandi en ég man eftir því að þá voru búðir á Íslandi almennt lokaðar á sunnudögum og velflestar á laugardögum líka. Amk á sumrin. Einhvern veginn höfum við svo færst í þetta "ammríska" módel sem er að allt þurfi að vera opið alla daga og helst bara allann sólarhringinn. Ég hef oft velt þessu fyrir mér síðustu ár. Við höfum byggt fáránlega mikið magn af verslunarhúsnæði sem allt er opið alla daga ársins svo að segja. Hver er þörfin? Ætli fólk noti "mollinn" ekki sem dægradvöl bara af því þau eru opin? Myndi maður sakna þess ef Kringlan væri ekki opin á sunnudögum? Svona í alvörunni?

Ég held við einfaldlega komum fólki upp á að versla á sunnudögum, korteri fyrir lokun etc. með því að vera með þetta svona. Í Köben er allt lokað á Strikinu á sunnudögum og ég held bara að enginn hafi ennþá dáið af þessum sökum. Ég tók líka eftir því að þegar ég vann í sjoppunni hjá pabba að það var alltaf sama fólkið sem kom inn 5 mín. fyrir lokun (sama hvenær lokunartíminn var). Það er bara þannig að sumt fólk frestar alltaf öllu fram á síðustu stundu af því það er bara í eðli þess. Ég held þetta fólk myndi þá bara versla á laugardögum í staðinn. Það myndi enginn svelta á Íslandi bara af því að Bónus /Hagkaup/Krónan/Nóatún væri lokaðar á sunnudögum.

Þetta myndi hinsvegar mögulega spara stórar fjárhæðir í rekstrarkostnað sem væri alveg í lagi.

Fjölskylda og vinir .... bezt í heimi!

2008-10-29T23:02:00.002+01:00

Ég stal þessari fyrirsögn af fésbókinni hennar Ágústu minnar en þetta er bara svo rétt. Fór í saumaklúbb hjá Addý í gær (vá veitingarnar) og það var svooo gaman. Ég á náttúrulega bara líka svo obbosslega skemmtilegar, góðar og fallegar vinkonur :) 5 tíma kjaftaklúbbur og EKKERT talað um bankana, kreppuna, efnahagslífið, horfurnar, atvinnuleysi eða neitt annað depressing. Þetta er sko mikið afrek í ljósi þess að 6 af 8 viðstöddum eru ýmist giftar bankamönnum eða eru bankamenn sjálfar :)

Hvenær ber maður ábyrgð á eigin gjörðum

2008-10-26T01:14:00.007+02:00

Ég get ekki annað en velt þessu fyrir mér þegar ég fer á bloggrúntinn og sé hverja færsluna á fætur annarri þar sem fólk frábiður sér ábyrgð á þessu ástandi sem við - sem þjóð - erum komin í. Nett litla gula hænan í þessu "Hundurinn sagði ekki ég, grísinn sagði ekki ég etc" - enginn vill kannast við að hafa tekið þátt í vitleysunni og allt í einu virðumst við komin í kapp um hver á elsta bílinn og ljótasta og óuppgerðasta húsið. Soldið fyndið.

Þrátt fyrir að enginn kannist við neitt og allir hafi séð þetta fyrir þá ljúga hagtölurnar ekki um okkur sem þjóð. Né önnur tölfræði. Einhvern veginn seldust hérna á síðustu árum hundruð ef ekki þúsundir sumarbústaða, hjólhýsa, nýrra bíla (ófáir fluttir inn frá Ammríkunni beint af því dollarinn var svo hagstæður). Fasteignamarkaðurinn var gjörsamlega á suðupunkti og sennilega hafa aldrei selst fleiri utanlandsferðir. Við söfnuðum skuldum sem aldrei fyrr. (skuldir heimilanna voru ekki nema eittþúsundogsexhundruðmilljarðar í júní 2008). Hversu mikið af því eru yfirdráttarskuldir er ég ekki viss en man eftir að hafa heyrt ógnvænlegar tölur.

Það virðast mjög margir hafa þá sögu að segja að bankinn þeirra hafi ráðlagt þeim illa/vitlaust eða beinlínis þröngvað upp á þá láni sem þeir vildu alls ekki. Margir undrast á yfirdráttarlánum unglinga og finnst allir nema þeir sjálfir eigi að bera ábyrgð á þeim. Þess vegna get ég ekki varist þessari hugsun. Hvenær ber maður ábyrgð á eigin gjörðum?

Ég hef átt í bankaviðskiptum frá því ég byrjaði að vinna 11 ára gömul (reyndar lengur, man eftir að hafa átt Óskars sparibauk í gamla Iðnaðarbankanum þegar ég var 9 ára). Á öllum þeim tíma sem ég hef átt í viðskiptum við bankann minn (lengst af Íslandsbanka/Glitni en líka Landsbankann) hefur mér aldrei verið boðin yfirdráttur - að fyrra bragði - né heldur hefur verið reynt að selja mér bílalán eða sjóðaáskrift eða neitt annað þvíumlíkt. Það mætti eflaust flokkast sem léleg þjónusta þar sem það er ekkert leyndarmál hver tilgangur banka er. Ég er með þessu ekki að segja að þessi sölumennska eigi sér ekki stað, einungis það að mér hefur aldrei verið boðið neitt af þessu að fyrrabragði. Það neyddi enginn upp á mig erlenda myntkörfulánið sem ég er með né platínum kreditkortinu mínu með milljón króna heimildinni (hvort tveggja þurfti ég raunar að hálfpartinn væla út).

Ég ætla hins vegar bara að játa það skilyrðislaust að ég tók þátt "góðærinu" eða í það minnsta naut góðs af ástandinu.

* Ég lifði kóngalífi á LÍN láninu mínu (sem var heilar 50þús kr. á mánuði skólaárið 2005-6) meðan ég var námsmaður í útlöndum.

* Ég fór í fleiri utanlandsferðir og eyddi í þeim helling af peningum vegna þessa hagstæða gengis.

* Ég naut ennfremur lágs gengis krónunnar í lægra vöruverði hérna innanlands.

* Ég naut góðs af hækkun íbúðaverðs og seldi íbúðina mína með 6 milljóna kr. hagnaði vorið 2007.

* Ég fékk vel launaða vinnu í "útrásarfyrirtæki" og naut alveg örugglega launaskriðsins sem ríkti á almennum vinnumarkaði og skilaði mér sem og öðrum um 25% kaupmáttaraukningu.

* Ég naut góðs af lækkun tekjuskattshlutfalls - svona svo eitthvað sé nefnt.

Ég get því ekki né reyni að firra mig ábyrgð á "ástandinu".

En það var svosem ýmislegt sem ég gerði heldur ekki

* Ég lifði ekki um efni fram

* Ég safnaði með blóð svita og tárum fyrir útborguninni í fyrstu íbúðinni svo ég þyrfti bara að taka 90% lán

* Ég safnaði ekki yfirdráttarskuldum

* Ég keypti mér hvorki hjólhýsi né sumarbústað - en keypti hins vegar 10 ára gamalt fellihýsi

* Ég keypti mér ekki nýjan bíl (bíla) - en þó nokkra fallega notaða :)

* Ég keypti mér ekki hús sem var dýrara en ég vissi að ég hefði efni á og endurnýjaði svo allt innanhúss til að toppa.

* Ég notaði ekki arðinn af íbúðarsölunni til að kaupa mér hlutabréf

* Ég tók ekki lán til hlutabréfakaupa

* Ég endurfjármagnaði ekki húsið til að taka út eigið féð og eyða því í neyslu

Á öllu ofantöldu tek ég fulla ábyrgð. Því góða og því slæma og ég sé svosem ekki eftir neinu. Það þjónar heldur engum tilgangi, því verður ekki breytt. En margir - ALLS EKKI ÞÓ ÖLL ÞJÓÐIN, þannig að þeir sem kusu vinstri græna og stunduðu sjálfsþurftarbúskap síðustu 17 ár geta því sleppt því að taka þetta til sín - gerðu margt af því síðartalda og allir sem hér bjuggu nutu góðs af því fyrrtalda. Þess vegna skil ég ekki alveg af hverju einhver annar en þeir sjálfir eiga að taka ábyrgð á því. Hvernig getur það verið einhverjum öðrum að kenna? Ég hef alveg hreint ágæta sjálfsmynd en get ekki fallist á að það þurfi einhverjar súpergáfur til að sýna smá hófsemi í neyslu.

Nú gætu einhverjir haldið að af því að ég vinn í banka þá sé ég bara að reyna að frýja þá ábyrgð á ástandinu. Það er samt frekar ódýr röksemdarfærsla. Ég hef reyndar bara unnið í banka í 2 ár en hef átt í viðskiptum við þá í 23 ár og hef aldrei á þeim tíma komið mér í fjárhagsleg vandræði vegna þess að þeir neyddu upp á mig láni fyrir neyslu sem þeir öttu mér út í. Það er kannski bara eðli banka að vera hataðir. Ef þeir vilja ekki lána þér nóg er það léleg þjónusta en ef þeir lána þér of mikið bera þeir ábyrgð á fjárhagslegri ógæfu þinni. Ég veit það ekki.

Þegar ég les yfir þessar hugleiðingar um ábyrgð þá er ekki úr vegi að víkja að ábyrgð útrásarvíkinganna svokölluðu. Bera þeir þá enga? Jú að sjálfsögðu gera þeir það. Alveg helling. En ég er orðin leið á þessari barnalegu söguskýringu að þetta sé allt þeim að kenna. Ég er bara að reyna að benda á að við gerðum alveg helling sjálf, hvort sem okkur líkar það betur eða verr eða viljum viðurkenna það eða ekki. Mikla ábyrgð bera líka stjórnvöld og það kaus þau engin nema við sjálf. Það er nú helvítis gallinn við lýðræðið. Meirihlutinn ræður.

Það er nefnilega tilfellið að kreppur og niðursveiflur koma reglulega. Við vorum ekki í ósvipuðum sporum eftir DOT.com æðið skók heimsbyggðina. Man einhver eftir 2001 og 2? Falli krónunnar (dollarinn á 119 kr), gríðarskuldum heimilanna og ógnvænlegum viðskiptahalla sem fylgdu í kjölfar uppsveiflu, kaupmáttaraukningar, hækkunar hlutabréfaverðs og aukinnar einkaneyslu. Sound familiar? Þá var útrásin ekki hafin og bankarnir enn í eigu ríkisins. Kosturinn fyrir litla þjóð var að þá kom niðursveiflan ekki ofan í verstu fjármálakreppu sem riðið hefur yfir heiminn síðan 1929. Þetta hjálpast hins vegar allt að núna.

NEI mér finnst ekki að íslenska ríkið eigi að borga allar skuldir bankakerfisins. En við verðum að borga sem nemur þjóðréttarlegum skyldum okkar skv. EES. Við myndum ætlast til þess af öðrum þjóðum ef dæminu væri snúið við. Ég er líka svo mikil bjartsýnismanneskja að ég held ekki að okkur verði gert að greiða meira en við reasonably þolum. Það er nefnilega engin þjóð í heiminum - sem býr við sæmilega þróað fjármálakerfi - sem gæti staðið undir öllum innlánum bankanna sinna ef ætti að greiða þau samtímis út, hvað þá heildarskuldum þeirra. Þess vegna væri galið ef alþjóðasamfélagið færi fram á það við 300þús. manna þjóð með ónýtt fjármálakerfi.

Þetta held ég - Pollýannan sem ég er - að tíminn muni leiða í ljós að þjóðir heimsins átti sig á.

True so true (nokkur góð "kvót")

2008-10-22T00:08:00.002+02:00

"Tough times never last, but tough people do"

~Robert H. Schuller

og annað gott quote fyrir Ísland ...

What counts is not necessarily the size of the dog in the fight -

it's the size of the fight in the dog!

~Dwight D. Eisenhower

Svo er náttúrulega alltaf þetta klassíska

Don't get mad - get even!

~ Robert Kennedy

Ánægð með þennan

2008-10-21T00:22:00.002+02:00

http://www.visir.is/article/20081020/LIFID01/44713372/-1

Við erum ekki herþjóð og ég er þess vegna ekki viss um að fólk átti sig almennilega á alvarleika málsins. Mér finnst amk flestir furðurólegir yfir þessari gjörð Bretans. Að ráðamenn vinveittrar bandalagsþjóðar (mis)beiti hryðjuverkalögum gegn annarri NATO-þjóð er náttúrulega svo fráleitt að það er eiginlega ekki hægt að byrja að lýsa því hvað það er margt rangt við það. Vaaaaá hvað við eigum að fara í feitt mál við þá.

Frétta og bloggbann

2008-10-20T13:02:00.002+02:00

Ég setti sjálfa mig í frétta og bloggbann um helgina. Þetta fólst í því að frá því ég fór úr vinnunni á föstudagseftirmiðdag og þar til í morgun las ég ekki blöð, horfði ekki á fréttir né las neina vefmiðla eða blogg misvitra og misvel upplýstra einstaklinga.

Ég er nefnilega orðin svo ofsalega þreytt á fólki sem talar eins og Ísland sé gjaldþrota og/eða eigi sér enga framtíð. Lengi má böl bæta með því að benda á eitthvað annað segi ég nú bara. Eins og hlutirnir séu í svo mikilli syngjandi fokking lukku annars staðar.

Honestly!!

Hlý sending

2008-10-15T22:52:00.006+02:00

Mín beið óvænt sending þegar ég kom heim í dag sem mér þótti mjög vænt um. Í pakkanum var lítil bók sem ber heitið "Kjarkur og von" og inniheldur ýmsa speki á því sviði. Langaði að deila einni þeirra með ykkur:

Strangt til tekið eru aðeins tvær leiðir í lífinu

leið fórnarlambsins eða hins hugdjarfa bardagamanns.

Viltu eiga frumkvæðið eða bregðast við?

Ef þú leikur ekki þinn leik við lífið

leikur það sér að þér.

Það er svo sannarlega mikið til í þessu. Það er alltaf undir okkur sjálfum komið hvernig við bregðumst við þeim áföllum sem lífið hendir á okkur. Eins og hefur lengi staðið neðst á þessu bloggi mínu:

"The greatest discovery of any generation is that a person can alter his life by altering his attitude"

Ætlar maður að leika fórnarlambið eða gera það besta úr aðstæðunum og læra af mistökunum. Ég ætla að gera það síðarnefnda og vona að sem flestir sjái hag sínum og Íslands betur borgið í því.

Elsku Matti minn, Helga & Hilmar. Takk kærlega fyrir sendinguna. Hún var bæði óvænt og kærkomin. Hjartans þökk fyrir að hugsa til mín, mér þótti mjög vænt um það.

Nýtt upphaf

2008-10-15T21:43:00.002+02:00

Jæja þá er þessi hryllilega dagur liðinn. Ég var ein af þeim heppnu sem hélt vinnunni minni en eins og hefur sagt verið frá í fréttum voru 97 af vinnufélögum mínum og vinum ekki eins heppnir. Óvissan er í sjálfu sér frekar mikil ennþá. Við vitum ekki hvaða kjör bjóðast og sum okkar vita ekki alveg hvað við erum að fara að gera. Það er áhugavert að heyra alla tala um að "ofurlaunin" verði ekki í boði. Enginn treystir sér þó til að segja hvað telst til ofurlauna. Það er nefnilega þannig að þessar endalausu fréttir af þessum ofurlaunum í gegnum tíðina eiga við AFAR AFAR fáa af þeim 5000 manns sem í byrjun árs störfuðu í geiranum. Langt innan við 10% leyfi ég mér að fullyrða. En það er ljóst að flestir munu þurfa að taka á sig talsvert paycut. En allir eru engu að síður sammála um að gera sitt besta við að byggja bankann upp á ný og reyna að gera gagn fyrir íslenskt samfélag.

Contrary to popular opinion þá held ég nú að hvatning fæstra sem störfuðu hjá Glitni hafi komið úr launaumslaginu. Fólk trúði á bankann og stefnu hans. Trúði á það að útflutningur á þekkingu okkar á sjávarútvegi og endurnýjanlegri orku væri verðmæt og einstök og þjóðinni til heilla.

Þetta hljómar kannski voðalega hátíðlega og væmið en gott og vel. Það er þá bara þannig. Gerir það ekkert minna satt.

Skilvirkni

2008-10-14T22:55:00.001+02:00

Þegar fyrirtækið sem maður vinnur hjá er tekið yfir af ríkinu þá leysast ofsa mörg mál bara af sjálfu sér. Sá það í dag að ekki bara get ég hent fullt af drasli sem er á borðinu hjá mér heldur líka ca. 98% af öllum tölvupósti sem er í inboxinu mínu. Hann er sjálfkrafa úreldur.

Segið svo að ríkisrekstur sé ekki efficient!

Tilhlökkun

2008-10-14T22:12:00.001+02:00

Djö.... hlakka ég til að komast í fæðingarorlof ..... segi ekki meir.

Acceptance

2008-10-13T18:14:00.003+02:00

Ég held ég sé loksins að ná smá æðruleysi í þessu öllu saman. Mesta sorgin er ekki hvort maður heldur vinnunni eða ekki heldur það að maður var ekki tilbúin að gefast upp. Maður var ekki tilbúin að hætta því sem maður var að gera. Við vorum rétt að byrja. Þetta er á einhvern hátt svipað eins og sjá fjölskylduna splundrast.

Að sjálfsögðu er ég ekki að jafna þessu við líf & dauða eða stríð & hamfarir en þetta er samt sóun of "biblical proportions" sem Ísland verður fyrir. En eins og einhver sagði í grein sem ég las um daginn, hrun kallar á nýja sköpun. Það er jafngott að líta á þetta sem tækifæri til að hafa áhrif á og hjálpa til við að móta það samfélag sem börnin manns munu alast upp í. Það gefst sennilega ekki viðlíka tækifæri og þetta til þess.

Guði sé lof fyrir Baggalút

2008-10-10T13:14:00.002+02:00

Þeir halda mér við geðheilsu þessa dagana....

http://www.baggalutur.is/skrif.php?t=1&id=1506

Fáeinar spurningar, aðkallandi

(vek athygli á spurningum 3, 5, 9, 11, 14, 16, 18, 23, og 26)

Ég vil gjarnan fá svör við eftirfarandi spurningum, svona til að byrja með:

1. Hvað skulda bankarnir mikið í útlöndum, námundað að næsta milljarði evra?

2. Í hvaða löndum skulda þeir, flokkað eftir heimsálfum?

3. Af hverju hafa eignir útrásarvíkinganna ekki verið frystar?

4. Hverjir starfa hjá fjármálaeftirlitinu, hver er aldur þeirra, menntun og starfsaldur?

5. Af hverju hafa eignir útrásarvíkinganna ekki verið frystar?

6. Hvaða eignir eiga bankarnir hér heima, í stafrófsröð?

7. Hvaða eignir eiga bankarnir í útlandinu, í stafrófsröð?

8. Hvað er hægt að fá fyrir þær, svona sirka?

9. Af hverju hafa eignir útrásarvíkinganna ekki verið frystar?

10. Hafa helstu ráðamenn þjóðarinnar fengið nægjanlegan svefn undanfarið til að hugsa skýrt?

11. Af hverju hafa eignir útrásarvíkinganna ekki verið frystar?

12. Hvers vegna hafa stýrivextir ekki verið lækkaðir?

13. Hvert er raunverulegt gengi íslenska „gjaldmiðilsins“?

14. Af hverju hafa eignir útrásarvíkinganna ekki verið frystar?

15. Hvað sagði fjármálaráðherra Íslendinga eiginlega við fjármálaráðherra Breta, helst orðrétt?

16. Af hverju hafa eignir útrásarvíkinganna ekki verið frystar?

17. Hver reddaði undirskriftinni hans Pútíns?

18. Af hverju hafa eignir útrásarvíkinganna ekki verið frystar?

19. Hvað eigum við mikinn pening (alvöru pening)?

20. Hvað eigum við mikið af gulli?

21. Hvað eigum við mikið af fiski?

22. Hvað eigum við mikið af áli?

23. Af hverju hafa eignir útrásarvíkinganna ekki verið frystar?

24. Er Ísland gjaldþrota?

25. Hverjir bera ábyrgð á þessu helvítis rugli, í stafrófsröð?

Blaðasnápum, bloggurum, kjaftaskúmum og þingmönnum er frjálst að nýta sér þessar spurningar að vild, eða þar til fullnægjandi svör hafa fengist.

Og p.s. 26. Af hverju hafa eignir útrásarvíkinganna ekki verið frystar?

Leiðin úr vandanum... :)

2008-10-09T13:05:00.003+02:00

Baggalútur aldrei langt undan með lausnina...

Dallas-leiðin skoðuð

Þetta virkaði fyrir Bobby, af hverju ætti það ekki að virka fyrir okkur?

Ríkisstjórn Íslands skoðar það nú í fullri alvöru að fara hina svokölluðu „Dallas-leið“ til að bjarga efnahag landsins frá algeru hruni.

Felst lausnin í því að þjóðin vaknar öll upp við vondan draum árið 1991, þegar Steingrímur Hermannsson er enn forsætisráðherra – og heldur lífinu áfram þar sem frá var horfið.
Þannig mætti, fræðilega, koma í veg fyrir að Davíð Oddsson yrði forsætisráðherra og allt „færi í fokkings fljúgandi fokk,“ eins og sjúklega sætur ráðherra, sem ekki vildi láta nafns sín getið, orðaði það.

http://baggalutur.is/frettir.php?id=4295

Að sigra heiminn...

2008-10-08T23:16:00.002+02:00

Að sigra heiminn er eins og að spila á spil
með spekingslegum svip og taka í nefið.

(Og allt með glöðu geði er gjarna sett að veði).

Og þótt þú tapir, það gerir ekkert til, því það er nefnilega vitlaust gefið.

- Steinn Steinarr

Þegar rennur upp fyrir manni ljós ...

2008-10-07T23:05:00.002+02:00

Það hefur örugglega gerst að opinberir starfsmenn hafi gerst sekir um að ljúga upp í opið geðið á þjóðinni. Ég hef bara aldrei vitað af því. Það var því frekar eye-opening reynsla fyrir mig að horfa á Kastljósið í kvöld.

Ég man ekki eftir því í seinni tíð að hafa nokkurn tíma orðið svona reið. En þar sem það er örugglega ekki gott fyrir börn í móðurkviði þá hef ég ákveðið að róa mig aftur og fara bara með æðruleysisbænina.

Dánartilkynningar og jarðarfarir ...

2008-10-07T23:03:00.003+02:00

Hvað gerist á morgun....?

2008-10-05T22:54:00.001+02:00

vandi er um slíkt að spá....

Einu sinni var ....

2008-10-02T22:22:00.003+02:00

par sem keypti sér hús. Þegar þau keyptu húsið áttu þau 20 milljónir í eigið fé. Nokkrum mánuðum seinna var sú tala orðin 5 milljónir.

svona er Ísland í dag!

En af því maður er svoddan eilífðar Pollýanna þá trúi ég að talan verði fyrr en vari aftur amk 2o milljónir :)

Sunnudagsmorgun, eftirmiðdagur og kvöld

2008-09-29T00:09:00.004+02:00

Æi haldiði ekki að yndið hann Elli hafi fært mér morgunmat í rúmið í morgun. Óumbeðinn meira að segja. Egg, ristað brauð, jógúrt, appelsínusafi. Dásamlegt. Míns lá líka bara í rúminu til kl. að verða tólf... :)

Fór svo í Smáró með Addý og skoðaði m.a. skó. Verðlagið í þessu landi er náttúrulega bara rugl. Keypti ekki neitt. Fengum okkur snarl á Serrano. Strákurinn sem afgreiddi mig daðraði verulega við titilinn starfsmaður mánaðarins. "Það er ekki til kál í augnablikinu, það á sko eftir að skera það!" - djís er ekki komin kreppa í þessu landi? Á svona fólk ekki að vera einhvers staðar að mæla göturnar?

Skelltum okkur svo í (rómó) bílabíó í kvöld (sko ég og Elli, ekki ég og Addý). Gerðum þar heiðarlega tilraun til að horfa á Sódómu Reykjavík en urðum frá að hverfa eftir ca. helminginn þar sem upp komu einhver tæknileg vandamál sem við nenntum ekki að bíða eftir því að væru leyst. Samt gaman - stemmning & smá gamaldags kelerí :)

Viðbót í saumó

2008-09-27T22:05:00.002+02:00

Æi ég má til með að "pöbblissja" einni mynd af nýjasta saumómeðlimnum. Yndisleg Haraldsdóttir sem kom í heiminn á mánudaginn var.

Innilegar hamingjuóskir elsku Ásdís & Haraldur.

Skriðsund

2008-09-27T01:46:00.002+02:00

Ljósmóðirin mælti með að ég synti frekar skriðsund en bringusund. GRRRREAT! Af því ég er svo ofsa góð að synda skriðsund. Fyrir utan að vera mun erfiðara (líkamlega) en bringusundið þá hef ég aldrei komist upp á lag með þessa öndunartækni sem því fylgir. Þ.a.l. líður mér alltaf eins og ég sé að drukkna og ekki get ég ímyndað mér að ég líti vel út við þessa iðju. Það hlýtur bara að vera tímaspursmál hvenær vörðurinn tekur Baywatch á þetta og stekkur útí eftir mér.

Að sjá hlutina í réttu samhengi

2008-09-19T12:36:00.003+02:00

Út úr þessum bíl stigu svo að segja ósködduð vinur okkar Chrissi Lund og börnin hans þrjú sl. laugardagskvöld. Það er ekkert minna en kraftaverk að þau skuli vera á lífi, hvað þá svo að segja ósködduð. Þetta minnir mann bara á hvað það er sem skiptir máli í lífinu (og það er ekki vinnan, gengisvísitalan, hlutabréfamarkaðir eða gjaldþrot fjárfestingabanka).

Allir að muna að spenna beltin, leyfa börnunum ekki að vera lausum í bílnum (jafnvel þó ferðin sé stutt) og hafa hugann við aksturinn!!

Að bjarga sér

2008-09-16T11:57:00.002+02:00

Olíuverð á heimsmarkaði er að detta undir 92 dollara markið. Samt hefur bensínverð á Íslandi ekki lækkað síðan 20. ágúst. Svolítið sérstakt. Eða nei reyndar er það alls ekki sérstakt, það er týpískt. Og ég bara heyri engan segja múkk. Þar sem ég vinn nú í banka (ofsa gaman þessa dagana) þá veit ég vel að gengi USD hefur hækkað mikið undanfarið. En hefur hann hækkað meira en sem nemur lækkuninni á olíunni. Ég er ekki viss um það, nenni náttúrulega ekki að reikna það út en það væri fróðlegt ef einhverjir gerðu það.

Annars var ég að spá í hvort við ættum ekki að sleppa þessu ESB rifrildi og ganga bara í Noreg. Seriously dustum bara rykið af Gamla Sáttmála og göngum Noregskonungi aftur á hönd. Þeir eiga þúsund trilljón skrilljónir og auk þess fullt af olíu, tala næstum sama skrítna tungumálið og kunna fullt í því sama og við þ.e. fiskveiðum og nýtingu jarmvarma og fallvatns við raforkuframleiðslu.

Okey þeir eru kannski svolítið hallærislegir og ferkantaðir en allt er hey í harðindum eins og sagt er.

It's a girl !

2008-09-15T15:17:00.010+02:00

... og hún er fullkomlega eins og hún á að vera "með tíu fingur og tíu tær" eins og sagt er - hérna er ein sæt mynd af litlu iljunum hennar!

*auðvitað setur ljósan alltaf smá fyrirvara á svona kyngreiningu en við vorum öll sammála (foreldrarnir, ljósan og læknaneminn) að þetta væri frekar greinilegt. En auðvitað er ekkert víst fyrr en maður fær hana í fangið...

Hýsillinn

2008-09-11T13:04:00.002+02:00

Fór í mæðraskoðun í gær og er þessi líka fíni hýsill fyrir vaxandi barn. Lágan og flottan blóðþrýsting, ekki vott af eggjahvítu í þvaginu, fullkomlega stækkandi leg og sterkur og flottur hjartsláttur í krílinu. All in all mjög gott mál.

Nú styttist í að við fáum að vita kynið. Viðurkenni að ég gúgglaði "hjartslátt hjá fóstri" í gær til að reyna að fá vísbendingu um hvort þetta sé líklegra að vera strákur eða stelpa. Hjartslátturinn var 155 - 160 í gær og var síðast (á 13 viku) um 160-180. Það þykir "stelpulegt" en þegar ég skoðaði fæðingarskýrsluna mína frá því að ég átti Egil þá var hann nú ósköp svipaður, kannski heldur lægri en samt dæmi um að hann hafi farið svona hátt (upp í 160). Þannig að það er nú ekkert á vísan að róa með þetta. Enda held ég nú að þetta sé frekar svona "old wives tale" en nokkuð annað.

"eníhú" úr þessu fæst líklegast skorið á mánudagsmorguninn kl. ca. 08:55 :)

Kominn 6. september

2008-09-06T20:10:00.002+02:00

Svei mér þá hvað tíminn líður hratt á gervihnattaöld. Bumban snarstækkar núorðið og nú styttist í 20v sónarinin. Við erum búin að ákveða að við ætlum að "kíkja í pakkann" - hvað svo sem fólki finnst um það. Við ætlum jafnframt bara að segja fólki frá því sem kemur í ljós (ef eitthvað verður hægt að sjá) - svo fylgist með! :)

Brjál að gera í vinnunni sem er fínt, vikurnar svoleiðis spýtast áfram þó útlitið í efnahags- og bankamálum mætti sannarlega vera aðeins bjartara. En það þýðir ekkert að vera að væla heldur bara spýta í lófana og halda áfram að klífa fjallið. Svo maður vitni nú í Sjálfstætt Fólk e. Nóbelsskáldið:

Þegar öllu er á botninn hvolft, þá fer allt einhvernveginn, þótt margur efist um það á tímabili. Sönn orð það.

Aðeins bjartari skoðun væri úr leikritinu Himnaríki e. Árna Ibsen -
"Hlutirnir hafa afgerandi tilhneigingu til að reddast!"

Eitt það mikilvægasta sem mamma hefur innrætt mér ...

2008-09-01T00:40:00.003+02:00

"Sigrún mín - það er svo miklu skemmtilegra að vera glaður!"

Takk mamma! Þú ert bestust!

Heimskir fjölmiðlamenn

2008-08-28T12:14:00.003+02:00

Grrr eru engin takmörk fyrir því hvað heimskum fjölmiðlamönnum er leyft að gaspra í beinni útsendingu. Að sumt af þessu liði hafi leyfi til að kalla sig fréttamenn er náttúrulega hreinn brandari.

Ljósin í bænum

2008-08-26T21:41:00.003+02:00

Við skelltum okkur - LOKSINS - að kaupa ljós í húsið í gær. ÚFF hvað það er eitthvað fljótt að telja í tugum þúsunda. Fórum í Lúmex og keyptum tvö ljós á stigaganginn sem eiga eftir að koma rosalega flott út. Kastarana á sjónvarpsholið fengum við svo í Pfaff (fyndið orð) og þá verður loksins hægt að taka niður "fljúgandi furðuhlutina" sem voru hérna við innflutninginn. Þá fær líka lofthæðin hérna á efri hæðinni að njóta sín betur. Ég held þetta eigi bara eftir að koma mjög flott út hjá okkur.

Æi það er nú smágaman að vera að dúllast í þessu húsi. Þarf bara að muna að góðir hlutir gerast hægt!!

Letihelgi

2008-08-24T23:43:00.003+02:00

Þvílík letihelgi. Frá því á föstudagskvöldið þar til þess orð eru skrifuð má eiginlega segja að ég (og við) höfum ekki gert nokkurn skapaðan hlut. Jú ég vann smávegis í Glitnismaraþoninu í gær og svo fórum við með Egil á Orkuveitumótið í dag - í GRENJANDI rigningu. But that was about it.
Æi gott að eiga svona helgar inn á milli. En á morgun byrjar ný vika. Egill í skólanum og ég þarf að koma "my butt back into a gym". Það verður gott að komast aftur í rútínuna.

Áfram Ísland

2008-08-22T20:29:00.003+02:00

Leikurinn var sýndur á breiðtjaldi í vinnunni í dag. Þvílík stemmning. Ekki víst að þetta sé gott fyrir blóðþrýstinginn ... he he

En maður er óneitanlega stoltur, já og bara eiginlega montinn. Alltaf sama sagan samt. Nú eru þetta "strákarnir okkar" :)

Fjarðarkaup

2008-08-17T17:31:00.003+02:00

Þetta er nýja uppáhaldsbúðin mín. Slysaðist inn í hana um daginn þegar mig vantaði sárlega að komast í búð sem opnaði fyrir kl. 12 en var hvorki Nóatún né Hagkaup.

Nema hvað, þessi búð er algjör snilld. Eins og að koma í kaupfélag í kringum 1988. Svona búð sem selur svolítið af öllu (t.d. búsáhöld, skólavörur og prjónadót) og grænmetið er verðmerkt með neon-appelsínugulum handskrifuðum kartonum. Svo er hún líka bara með æðislegt kjötborð og bakarí og starfsfólkið er í svona sloppum sem er eru ermalausir og farið er í þá yfir sín eigin föt. Ég man eftir að hafa klæðst svoleiðis í Kaupstað (þessum í Mjódd) árið 1987.

Ekki skemmdi að verðið var hreint ekki svo slæmt og miklu betra en í okurbúllunum Hagkaupum og Nóatúni.

Mæli með henni fyrir þá sem eiga ferð í Fjörðinn.

Hnetan

2008-08-06T14:33:00.002+02:00

Þessi litla manneskja (kyn óvitað enn sem komið er) ætlar að koma í heiminn í kringum 1. febrúar. Mikil tilhlökkun í fjölskyldunni og mamman játar að hún vonast eftir "bleikum lit". Think pink everyone!!!! :)

p.s. hvort heldur sem er verður samt auðvitað jafnvelkomið þegar upp er staðið..... :)

Hjartaylur

2008-07-23T17:47:00.003+02:00

Það yljar manni eitthvað svo um hjartaræturnar að fá gíróseðilinn fyrir húsnæðisláninu okkar á þessum síðustu og verstu. Ég hef bara aldrei séð svona háar fjárhæðir á gíróseðli áður - amk sem ekki var stílaður á fyrirtæki.

Ég held ég þurfi að fara að vera miklu meira heima hjá mér - ég bý greinilega í rándýru húsi he he

Þessi er alveg með'etta

2008-07-14T23:20:00.002+02:00

Svar tekið úr alvöru lausn nemanda í amerískum menntaskóla

Mamma Mia!

2008-07-13T01:15:00.002+02:00

Fór á þessa mynd í dag. Fyrir ABBA fan & sucker for romantic comedies eins og mig var hún vitaskuld æðisleg. Mæli með henni sem fínni afþreyingu. Ella fannst nú nóg um þegar Pierce Brosnan tók lagið - "Neeei ekki Bond að syngja ABBA, nú er þetta búið " :)

Helgin

2008-07-11T12:08:00.002+02:00

Ooh alltaf svo gott þegar kemur föstudagur. Helgin framundan og þar sem þessi virðist ekki ætla að verða veðurgóð þá ætlum við fjölskyldan að halda okkur heimavið. Ef veðrið verður ekki of glatað þá ætla ég að skipuleggja smá óvissuferð fyrir þá feðga á morgun.

Annars er mín búin að vera frekar spræk, fór og synti í gærmorgun og út að hlaupa í morgun fyrir vinnu. Dásamlegt hlaupaveður, algjört logn og blíða þó sólin léti ekki sjá sig. Er voðalega morgunhress þessa dagana en ekki alveg jafn kvöldhress. Var sofnuð í sófanum kl. 20:45 í gærkvöldi og svaf til 7 í morgun!!

Hafið það sem best um helgina elskurnar mínar - ta ta

15 minutes of "fame"

2008-07-09T17:50:00.001+02:00

Sweet jesus hvað maður er að meika það ....

http://vb.is/?gluggi=frett&flokkur=3&id=44992

Næst... heimsyfirráð!

Ný ég

2008-07-07T22:46:00.001+02:00

Míns fór í klippingu í dag og lét bara choppa vel af kollunni. Nú er ég bara með tæplega axlasítt hár sem er alveg fabulously healthy - ég meina það ég er næstum því eins og konan í Pantene auglýsingunni.

Töggur

2008-07-04T15:40:00.001+02:00

Nói Síríus virðist vera hættur að framleiða brúnan Tögg. Mér fannst þær aldrei góðar en núna þegar þær eru ekki lengur í pokanum þá finnst mér það alveg ómögulegt.

Aldrei er maður ánægður ...

Montfærsla

2008-07-01T22:17:00.003+02:00

Jæja þá er það orðið opinbert. Ég hef fengið stöðuhækkun og er komin í nýja (og betri) stöðu í bankanum. Ég er semsagt tekin við starfi forstöðumanns fjárfestatenglsa (Head of Investor Relations) sem tilheyrir deild sem heitir Strategic Development (kann ekki að þýða þetta) og ég er mjög spennt að takast á við þetta. Eins og liggur nú kannski í orðanna hljóðan þá snýst starfið um að upplýsa fjárfesta og markaðinn//kauphöllina um bankann, sögu hans, stefnu og stöðu. Ég mun vinna náið með forstjóra og framkvæmdastjórn bankans og raunar flestum deildum að einhverju leyti. Fyrst á dagskrá er að hafa yfirumsjón með birtingu afkomutalna annars ársfjórðungs en þær verða birtar föstudaginn fyrir verslunarmannahelgi.

Ég viðurkenni bara fúslega að ég er mjög ánægð með mig að hafa verið boðið þetta starf sem hlýtur að þýða að maður er að gera eitthvað rétt. En hey! ég sagði líka að þetta yrði montfærsla :)

Einn góður

2008-07-01T13:31:00.004+02:00

Did you hear about the dyslexic, agnostic insomniac?

He lay awake at night wondering if there is a dog.... :)

Italy bella Italy

2008-06-29T01:09:00.016+02:00

Jæja eins og lofað örstutt ferðasaga í formi mynda....

Marteinn tilbúin í slaginn kvöldið fyrir brottför Að baða sig í gosbrunninum á Marienplatz í München

Við stoppuðum og borðuðum nesti á leiðinni til Merano

Svona var útsýnið við landamæri Austurríkis og Ítalíu - ekki amalegt!

Flottar fyrirsætur í Merano

Að háma í sig pasta og pizzu við Gardavatnið

Þar sem var grenjandi rigning en bræðurnir létu það ekki stoppa sig í að nýta borðtennisaðstöðuna

Þetta fannst mér eitthvað svo djúsí sítrónutré

komnir með bátinn á flot í sundlauginni við húsið "okkar"

húsið var yndislega rómantískt, afskekkt uppi í fjöllunum ...

... en gat verið frekar kalt á kvöldin með engri kyndingu

flottir ferðafélagar

sólhlífarstrákur

við hjónaleysin (og Guido the poolboy) við sundlaugina á la Palacina

... þar sem útsýnið var ekkert sérstaklega ömurlegt

á leiðinni aftur til München gistum við í Gries am Brenner þar sem við hittum þennan sæta voffa

þar voru húsin ekki síður sæt

og útsýnið

Neuschwanstein kastalinn (hann ku vera innblásturinn fyrir Disney kastalana)

Flottir feðgar (en Elli í ljótum bol)

Too busy to blog?

2008-06-26T11:16:00.003+02:00

Voðalega er eitthvað langt síðan mar hefur loggað sig hérna inn. En altjént er á lífi. Back from Italy sem var æðisleg. Að keyra um alpana í 25+ stiga hita var ekkert slor heldur. Paranoid konan náttúrulega ekkert sérstaklega brún eftir að hafa löðrað sig í sólarvörn allan tímann.
En anyway, myndir og fleira kemur fljótlega.

ta ta

We are the champions

2008-05-22T01:16:00.001+02:00

Þvílíkur leikur - þvílík dramatík. Ég er ennþá með hjartsláttartruflanir!

Italiano

2008-05-13T16:13:00.003+02:00

Í dag eru 28 dagar í fríið. Seðlabankinn býður af því tilefni evrur á tilboðsverði og fást þær nú á kostakjörum - aðeins 122,29 LATÓ* fyrir stykkið.

Gaman.

Maður verður bara 'að taka þetta á kassann' eins og einn vinnufélagi minn komst að orði.

oooh well - At least I have my health :)

* einnig nefnt íslenskar krónur en verðgildið á alþjóðlegum mörkuðum er mjög svipað

Væri það ekki næs?

2008-05-13T15:06:00.002+02:00

Mögnuð síða

2008-05-07T00:54:00.007+02:00

Þessa síðu rakst ég á í gegnum eitthvað blogg fyrir nokkrum árum. Svo gleymdi ég henni. Núna fer ég reglulega þarna inn og les leyndarmál fólks. Sumt er fyndið, eins og stelpan sem játaði að hafa sem unglingur leikið sér að því að skipta á litabrúsunum í hárlitnum sem var seldur í apótekinu :) (hefði samt orðið þokkalega brjál ef ég hefði lent í því að kaupa svoleiðis lit). Annað er átakanlegra, sorglegra eða 'inspiring'. Allt er þetta samt áhugavert sjónarhorn á mannlegt eðli. Að neðan eru nokkur sýnishorn. http://www.postsecret.blogspot.com/

Afmælisbarn dagsins...

2008-05-05T01:23:00.003+02:00

.... er elskan hann pabbi minn. Hann er nú hálfgerður unglingur kallinn, ekki nema 56 ára - enda bara kornabarn þegar hann eignaðist mig. :)
Pabbi minn (ásamt mömmu) er og verður ein mín helsta fyrirmynd í lífinu og ég er óendanlega stolt og ánægð að vera dóttir hans.

Til hamingju með daginn elsku pabbi minn.

p.s. þessi færsla var skrifuð seint í gærkvöldi en þar sem ég er ennþá stillt á sænskan tíma á blogginu kom hún fram sem skrifuð þ. 5. maí. Pabbi átti semsagt afmæli í gær ... rétt skal vera rétt!

Moving day

2008-04-30T12:26:00.002+02:00

Jæja í dag gerist það.

Frá og með kvöldinu munum við búa í Laxakvísl 16. Öll fötin mín voru flutt í gær svo að ég skrapp á náttfötunum niðreftir í morgun til að finna mér föt fyrir vinnuna. Egill kom með mér og fékk að labba Í skólann í fyrsta sinn. Kom við hjá Helgu vinkonu sinni á nr. 8 og leiddist ekki að vera samferða henni.

Allir sem vettlingi geta valdið og eru ekki að gera neitt annað eru meira en velkomnir að bera húsgögn kl. 17 í dag. Grillaðir borgarar og ískaldur í boði.... :)

Ég held að þetta verði gott sumar - efnahagshrun og há verðbólga aside :)

Rehab - I say No No No

2008-04-28T17:01:00.003+02:00

Sportveiðiklúbburinn var með sinn árlega fagnað á laugardaginn. Ágústa & Addý voru nefndin og sannarlega outdid themselves. Fyrst var hvítvínslunch með stæl heima hjá Ágústu. Þegar honum lauk kynntu þær stöllur texta sem þær höfðu samið við þetta lag

http://www.youtube.com/watch?v=LD5sahXoj0U

og eftir það kom söngkennari sem sá um smá voicetraining áður en við fórum í STÚDÍÓ að taka upp lagið. That's right folks, svitabandið - sú ástsæla grúppa - bara komið með fyrstu smáskífuna!!

Skvísurnar fóru svo heim að 'sjæna' sig áður en þær fóru á Ó-ið að borða (og drekka að mér skilst) en ég fór heim í Laxó að pússa veggi og mála gólflista. Svona er maður nú orðin stabíll og skynsamur í ellinni. Gvööööð hvað ég hlakka til að flytja.

Juno

2008-04-25T15:54:00.003+02:00

Mæli með þessari mynd. Meinfyndin og mátulega væmin. Ellen Page frábær í hlutverki hinnar óléttu Juno.

Pjúr lov

2008-04-25T15:47:00.003+02:00

Akkúrat þegar ég hélt að ég gæti ekki elskað Ella meira þá segir hann mér að hann sé búinn að græja 'klíning krjú' til að þrífa viðbjóðslega steypurykið & spartlsletturnar í Laxakvíslinni svo við getum einbeitt okkur að flutningunum og öðrum mikilvægari hlutum. Eins og að kaupa stóla í sólstofuna til dæmis.

Sweet Jesus hvað ég er hamingjusöm!

Spegill, spegill herm þú mér....

2008-04-23T13:33:00.003+02:00

Á klósettinu hérna á finnsku skrifstofunni okkar er risastór spegill við hliðina á klósettskálinni. M.ö.0. þarf maður að horfa á lærin á sér og beran bossann meðan maður pissar.
Þetta er ekki flatterandi spegilmynd af neinum.

Hverjum dettur svona vitleysisgangur í hug?

Þegar...

2008-04-22T08:54:00.002+02:00

.... evran kostar 120 kr þá kostar einfaldur latte í Helsinki 480 kr. Það er svolítið mikið.

Lyftublús

2008-04-22T08:50:00.004+02:00

Þegar lyftan fór ekki af stað í morgun hélt ég í eitt hræðilegt augnablik að ég væri kannski komin yfir 800 kg hámarksburðargetu hennar. En svo sá ég að ég hafði bara gleymt að ýta á takkann.

.... fjúkk!

Ég óttast ...

2008-04-21T23:15:00.001+02:00

... að brjóstin á mér séu í kappi um hvort verður fyrst að ná mér niðr'að nafla :(

Skvísindi

2008-04-14T13:44:00.003+02:00

Ég er alveg að fá aftur fulla tilfinningu í tær vinstri fótar eftir að hafa þrammað um á 10 cm pinnahælum með þröngri tá á árshátíðinni á laugardaginn.

Það er ekki tekið út með sældinni að vera skvísa greinilega... :)

Jedúddamía

2008-04-10T10:39:00.002+02:00

Þetta er hún Herdís María vinkona mín. Hún er að verða 7 mánaða.

Hvernig er bara hægt að vera svona sætur?

Trend?

2008-04-09T16:58:00.002+02:00

Ég sá konu í hvítum gallabuxum í morgun ....

Mér brá soldið því ég hélt þær hefðu verið bannaðar með lagasetningu eftir 1992

My pet peeve

2008-04-07T10:57:00.004+02:00

Ég ÞOLI ekki rangar verðmerkingar í búðum. Þegar maður kaupir (eða tekur ákvörðun um að kaupa eitthvað) á grundvelli þess verðs sem stendur á hillunni og kemur svo á kassann og varan er jafnvel 30-40% dýrari þegar maður á að fara að borga fyrir hana. Og svo til að taka steininn úr þá eru þessi unglingsgrey sem vinna að því er virðist á öllum afgreiðslukössum í dag alveg hissa á því þegar maður segir eitthvað og er ekki til í að borga bara það sem stendur í tölvunni.

Nýjasta dæmið er þegar við fórum í BYKO í gær að kaupa hurðahúna á innihurðirnar í Laxó. Þær áttu að kosta 2551 kr. stk (sem mér finnst bara alveg nóg) en á kassanum kostuðu þeir allt í einu rétt tæpar 3000 kr. Munurinn? Lítil 17% eða um 6.000 kr. Við áttuðum okkur reyndar ekki á þessu fyrr en við vorum komin af stað í bílnum en BYKO til tekna þá brugðust þeir hárrétt við og endurgreiddu okkur mismuninn með bros á vör og afsökunarbeiðni. Það mættu fleiri taka sér þau vinnubrögð til fyrirmyndar.

TomKat

2008-04-06T03:29:00.001+02:00

Sweet Jesus - eru engin takmörk fyrir því hvað Tom Cruise er orðinn mikið frík?

The list

2008-04-02T11:46:00.004+02:00

Þessi maður er svo on 'my list' - hann er í svokallaðri "überhot¨kategoríu ...

Hver er á þínum lista?

1. apríl

2008-04-01T13:52:00.002+02:00

Ég held ég hafi aldrei hlaupið 1. apríl.

Án efa nýtt hámark á letinni.... :)